![[GOACOM- KUWAIT KONKNNI KENDR]](http://www.goacom.com/new-11.gif)
KONKNNI mollar konnuch aschona vollkonastana suadik talleacho ghavpi Rosary Ferns haka zo zaun assa poiloch videxantlo Goykar Konknnintlean Audio Cassette korpak, hem zaun gelem sumar 6 vorsam fattim. Uprant tannem anink apleo 4 cassetti kaddleot and 6vi cassette tachi PIRACHIT, Junache 19ver Kuwait deshant thaun bhair ghatli. Hi tachi 6vi cassette bhair ghalpak hangachea eka hotelant ek mellavo ghoddun haddlo zuim Goykar ani her Konknni mogui ekttoulet, hea ekvottan 2-3 soddlear her sogleam Goycheam sonvsthani bhag ghetlo toxench her namnechea Goykarani zache vorvim sogleamni dakoilem Konknni mollar Goykar apleache mot-bedh visron ekttaim zaupak zannat mhonn. Mukhel soiro mhonn tea dissa Goan Overseas Associationacho up-odheokx John Gracias aslo zannem Rosary Fernsachi khup apurbai keli hea tachea vavrak lagon. Manacho soiro hea natean hangacho amcho ek padri bhau Fr. Gabriel Dias aslo zannem sanglem ki Rosary Fernsachim ghitam sodanch riti-dekhichim astat mhonn ani fuddarakui tannem oxench korchem ani amchea samazak bori vatt dakoichi ani Goem ani Goykarank rakhche. Mario Rebello hannem Kuwait Konknni Kendrachea navan Rosary Fernshaka khoddok utrani xebaski dili ani Konknni mollar konnakui kitem borem korpachem asle ar Kuwait Konknni Kendr aplo soglo tenko diteli mhontlem. Toxench tannem sanglem ki Internet mhonn assa tacho Goa Com Webacho Konknnint ek vibhag assa tea vibagachem ek Konknni pan hozarani duddu farik korun Kuwait Konknni Kendran sponsor kelam fokot K onknnicho prochar korpak ani hea panar he casetticho apun nettan prochar kortolom mhonn bhas dili ani Kuwait Konknni Kendrachea navan sobemazar kaim casetti vikteo ghetleot Rosary Ferns hachea vavrak boll divpak. Moladik utrani ani suadik aplea soimbik r osall tallean Bab Cajetan Pereira (Sanvordem) zo zaun assa vorixtt vangddi Kuwait Konknni Kendracho tosoch ek fankivont tiatrist Kuwaitcho zannem Konknni mollar boro vavr kela ani korit assa hannem Rosary Fernsachi ani tachea songit mollar kelolea vavrach i sobemazar vollokh korun dili. Xevttak Rosary Ferns hannem apleak hi cassette korpak adhar kela tanche upkar attoilet, kheritponnin Kuwait Dairy Companyche zanni hi cassette sponsor kelea, toxench sangati sponsor Mr. & Mrs. John Gracias (Margao) ani Pau l Soaraes Guest House (Candolim) toxench ho mellavo ghoddun haddpak apleak sohokar dila tanche.
He cassettin soglim mellun 10 ghitam assat tim soglinch Bab Rosary Ferns hannem ghodleant pun tim ghaileant tache xivai Jose Rod, Anthony San ani Betty Naz hannim.
Him soglim ghitam aikopa sarkim assat, Rosary Ferns ani Jose Rod he dogui ghavpant unch urtat. Gulfantleam ghodneacher adharun kaim ghitam rochleant. He cassttik songit dilam Babush hannem zem aikun khorench nazuk dista.
Hangacheam donuim Inglez disalleani he cassetticho nettan prochar kela, vhodda akaran borop korun toxench nazuk fottu xapun. Internetachea Goa Net hacher Kuwait Konknni Kendracho Mario Rebello hannem prochar korun Canadache, Englanddache ani Amerikache G
oykar fuddem sorleat hi cassetti thuim nettan ximpddaupak.
KUWAIT KONKNNI KENDR
P.O. Box 23365 Safat,
13094 Safat KUWAIT
Motto : " Ekvottan Mog Vaddom "
Tel :
(965) 434 5362 Mr. Elvino Rodrigues
(965) 241 3634 Mr. Anthony Veronica Fernandes
(965) 476 4113 Mr. Mario Rebello
E-Mail : Mario Rebello
![[PREVIOUS]](http://www.goacom.com/previous.gif)
OR FOR THE HOME PAGE