|
|
Tajem Konknni songit
Dor eka kantarak veglloch tal anim modd disun ieta. Choddxim oslim kantaram fokot hea poilim Chris Perryn ghoddlelim anim Lorna-n gailelim. Zantteank toxemch nenntteank avoddta toslem songit heam khaileam gitank ghatlam dekhun tem rokddench lovkik zatelem hachi khatri asa: Kor Cantar
Oh Mhojea Sopnnantlea Sukha
Birthday Song
Jitle Pautt…
Moga Mandolin
Sang re Juanv,
Dhaddinakai Chitti
Nanv Go Whitney Studios-an toiar kelelem kesett Goemcho famad rockstar Remo Fernandes hachea hatantlean gelea mhoineant bhair ghatlam. Konknni
Kotha Voros: 1944 Dhondu Govekarak Dhondu Kazkaruch mhunnon ganvantlo chodd lokh vollkatalo. Kazunho ros kaddun tachi fenni korop vho Dhonducho mukhel dhondo. Anim fenniechea dhomdhoma porim Dhonducheim nanv dhaktteam-vhoddleam modhem posorlelem. Janerachea mhoinean kaji fulon fokam denvtoch, kazuche mutt'tte amorpike zaunchea sumarak dongrache araddek Dhondu ek dhakttulich khomp ubhartalo. Ani pikeche chear te sadde-chear mhoinem to anim tachem kuttumb tantunt pennem kortalim. Dis-rat kajincher nodor dhovorinam zalear dongrancher firpi bhurge tanchea biam-kazunchi vatt laitale. Eka pallsonnea khoddpa lagsaruch Dhonduchi khomptti asli. Tem khoddop, piklele kazu paiamnim mostun, tancho ros kaddunk ekdom boreak poddttalem. Kazu mostun poilo ros sompoitoch, urleli mollsann eke rasichea rupan ekttovtali. Ti ras eke valichea zhompak revddaitale. Uprant ticher bore zodd fator vo tollop dovortale. Chovis horam odhikuch zodd vozon poddtoch, team kazuncho datt to ros thembeamnim denvtalo. Khoddpache denvtechea pontak matiecho kollso laitale anim tantun to datt ross bhortalo. Haka uprant 'niro' mhunnon nanv poddtalem. Sarkho patoll asta to niro pivonk ekdom godd anim ruchik. Nireachem poilem ur'rak anim uprant fenni kaddpachi bhattii tanche khompik lagimch asli. Janerachea poilea satolleant Dhondu dongrar ailolo ani kaji bhorpur tunvorleat, fokam denvunk lagleant anim kaju rokddech piktelet...hem chintun monantlea monant khuxal zalolo. Gelea vorsa, Maiache dusre pondroxek kazunchem pik somptoch, apli khomptti moddun sokla denvtoch, aiz to poilech pavttt dongrar choddlolo. Cholta-cholta, khomptti ubhartalo tea zagear to pavlo. Sompun gelelea pavsalleak lagun thuim borench dattaen korodd matlelem. Bhatti pettounk chul kortale te tinui fatranche fur, tanchem jevonn korunk chul korit tanchei fur...halonk naslet. Tancher korodd matr choddlelem. Dongrar ravunk ieunchea poilim uzo ghalun hulpaitoch, soglem nitoll zatelem aslem. Tosoch cholun etoch, kazu molltale tea khoddpa sorxem Dhondu pavlo. Hangai korodd matlelem. Punn hanga tache chotur nodrek ek atvich goxtt zollkholi: kazu mollun raxir dovortale tim tollpam, nimannim mollni somptoch, te tim khoddpachea sokoilea pontar ekamekacher dhalun dovrotale. Anim fattlei pavtti tannim toxemch kelelem tacho taka sarkho ugddas aslo. Punn, tim sokoilean vo khoddpachea mazak eka-mekacher davun dhovorlelim tollpam atam tea khoddpachea mazak eke kuxin, lambaen manddun aslelim pollovn to thottaklo. Ghoddiek...moste bhurge dongrar bhovonk ietat ani tannim him tollpam haloileam astelim oxem taka dislem. Punn jednam tannem fuddem panvol marlem, tednam tea tollpanchea eke dhallin tache nodrek ekdom atvemch kitem zhollkollem. Dhondu lagim sorlo. Anim penkott matxem sokoilean doddun, pollounk laglo. Tednam te vostuk aple ollkhiche faskent bosoitoch, tachem kalliz tachea horddeak apttolelea porim taka disunk laglem. Bottam...munxeachim bottam taka dislim. Kallak lagun kat ani mas virgollun gelelea munxeachea hatanchim panchui bottam ordhim liplelim asat tim taka nivoll distti poddlim. Barikh polloinam fuddem tallot porian hatachea bottanchim haddam dislim. Zalem...Dhondun odmas kelo: tollpam pondak munxache kuddicho askhoch sampllo purlelo asunkuch zai. Dongrachi nisrott vatt anim xenkareachi porva kori nastannam, thorthorteam paiamnim Dhondun sokla dhanv marli. Vatter taka Xembu anim Nanixor doddlet. "Meleleam munxeachim mure haddam. Kai Deva sangtoloi?" itlemch tannem tankam mhunttlem. Xembhuchem tond ojeapon ugttem urlem, ani vonttaili viddi ttip korun zomnir poddli. Nanixorak tem kaimch somzolem nam. "Kitem mhunnttai re, Dhondu?" Nanixor mhunnttanam Motes titiv fuddlean thavn ietalo tannem kan fuloile. Punn kainch monar dhorinastannam Dhondu nitt rejidorager gelo. "Kai sangtoloi bhattkara! Mi khompi zovoll pavlom. Thoim...kai sangtoloi...thoimsor melelea moddeachim panchui bottam mhaka dislim, bhattkara." "Korem sangtai mure tum?" Dhondun haddleli khobor aikun Rejidoran vhoilea vhoir vincharlim. Dhondu gorib zait punn fotting nhoi mhunnon taka khatri asli. Dhonduk ghevn Rejidor porxin tea dongrar ailo. Tollpa pondak munxachi kudd purleli astelich mhunnon tachi khatri zali. Xarantle pulis kortelacher hi khobor tannem tabortob pavoili. 'Thu-u' mhunntta mhunnosor, ek tambddo-gunz paklo, chear pulisank gheun thuim pavlo. Kudd sarkhi kusleli. Addanch distalim. Mel'lo munis konn zait to ollkhunk sompem kam' nhoi aslem. Punn tacheam paiank asleleam chamddeancheam vannank ani gobra rongachea Madras Milichea lugttachea mottvea kalsavank lagun, ti eka dadleachich kudd mhunnon gomli. Madras Milichem lugott, modlea vcomachea loka modhem tea kallar chodd vaprant ietalim. Tem sovai poddttalem khorem, punn sutan mozbhut. Takach lagun matien anim valltin tacher zoit vhrounk zaunk nam. To mortoch (vo konnem tori taka martoch), tachi kudd udhari nhidovun, ticher tim tollpam manddlelim. (Fuddle pavtti vachuia, ham...) NOVIM
PUSTOKAR
Hea pustokavhoir boroitanam Rev Fr Simon Rico Fernandes, OFM Cap, mhunntta, "Konknni bhaxek girest korun apunn gorib ravlolo, Anjuncho Bonaventure D'Pietro. Torui astanam Jezun apleak bhorpur girestkai dilea mhunn to boddaien sangta. Hi girestkai duddvanchi nhoi, bhangarachi nhoi, bhattam-bensanchi nhoi." Hi girestkai kosli ti gomonk hem pustokuch vachlear borem. Kiteak taka anikui don bhag asa, zantlo hea poilim Konknnintlean kednamch konnem vachunk nam to vixoi mhunnchem Turinchem Chedor (The Shroud of Turin). Prostavona boroitanam Fr Moren de Souza, SJ, sangta, "Hem pustok ami artun-portun topaslam...Hem pustok vachunk, bhavartache nodren kainch addkholl nam. Vachtoleanchem ginean vaddttolem ani choddtolem mhunn sangcheak kaim horkot nam." |
Arso
(Konkani)...
Jess
Louis-achim ruchik ghoddpam, Joaquim D'Souza-achem suadik songit anim
Olavo-chem monbhulgavpi gavop ekttaim korun vegllemch songit toiar kelam.
Anim tem Kor Cantar audio kesetticher amkam aikunk
mellta.
Kotha, Kadamboreo, Lekh anim Tiatr borovn zatoch, Bonaventure
D'Pietro ek devosponnim pustok boroita "Nazaretkar", chitravn
Jezun bhoglele koxtt anim dogd.