Ek Bhett Bhoktivont Zuze Vazache
Sanctuarint
Oratoriche bazuk
matxe mhukar Holy Family Community-cho Konvent asa. Hi
'Congregation' scomest Fr. Faustino De Souza (Ganvant Anjuna,
Bardez-cho) hannim sthaponn kel'li. Hanga Bhoktivont Zuze Vazachem
Iskol asa zuim bhurgim SSC meren xikop kortat. Tea xivai onath
bhurgeank asro divpi ek ghor jem hi Holy Family Community
sambhallta. Hea vellar amkam thoddo vell Sr. Maria Pia sfn, Superior
General, ji he ordichi vhoddil tichi bhett zali ani tinnem amkam
sorvbhonvttonim bhonvddaun dakoilem. Hea konventan bhitor ek sobit
kopel asa jem Povitr Kuttumbak (Holy Family) bhettoilam. Fuddarak
amkam kednaim vell mevlear ami hanga anik ek lamdig bhett korun
hanga hea sobit molleant Devachea axirvadan ghoddtta tea borea vavra
voir ek lekh boroun vachpeam mhukar dovrunk amchi itxa.
Bhoktivont Zuze
Vazachem Devosanv Sanctuarint , Sancoale cholta ani Kherit
Novenamcho Dis Misam he porim: Dor mhoineache 16ver sokallim 06.30
& 8.30 a.m. Sukrarar: Sokallim 6.30 & 8.30 a.m.; Somar tem
Sonvar Sokallim 8.30 horar Zorui konak
khuxi asa Oratorichea Kuddant bhitor sorunk vo mis vo kosloi
Sevadhorm korunk zalear Sanctuarichea Reitorachi porvangi adim
fuddench gheunk goroz. Tech toren Magnnim, Misam, mell'lole upkar vo
dhengi diunk sodhtat tannim Rev Fr. Romualdo Robin Rodrigues hankam
porxim mellche. Topalantlean sompork sadhonk sodhtat zalear hea
pot'tear korcho: Rev. Fr. Romualdo Robin Rodrigues, Vice Postulator
(Goa), Sanctuary of Blessed Joseph Vaz, 413 Blessed Joseph Vaz Road,
P.O. Cortalim- 403 710 Goa, India. Amkam khobor asa tea pormonnem gomta ki dor sukrarak ani dor mhoinneache 16ver xembhreanim lok hanga sanctuarint ani oratorint ektovtat Bhoktivont Zuze Vazachi mozot maghunk ani kherit ponnim duensantlim borim zaunk karan Bhoktivont Zuze Vazak Piddestancho ani Koxtovtoleancho Askari mhunn pachartat. Sabar lokank zaitech upkar favo zaleat ani duesank ilaz mevla tachea devosanvam udexim.Upkar mevlole hanga zaitech pcomott zatat. Hanga Bhavarthi khotkhotean magtat beginuch taka Igorz mathen sant mhunn pcomott korcheak. Ho dis chodd pois nam jednam amchea Goenchea putak ho onod man favo zatlo. Ho process zo xevottachea bhagant pavla hea vellar anik ekuch milagrichi goroz asa. Ti beginuch Dhonia Devan Bhoktivont Zuze Vazache udhorim ama-papiank favo korchi mhunn amchim magnnim ami Dhonia Devak ubharum-i. RUPKAR
Vasku MES kollejintlean xikop purem korun podvi melloilea uprant tinnem kaim vellan kazari jivitak fuddo kelo ani ticho poti Dexter Martins hanchea ut'tejonnantlean tinnem apli chondd asli ti ek vevsai korun aple jinnek ek novi dixea (direction) ani avhan (challenge) dilem. Bai Melissa Martins he babtin kitem sangta tem tichea tondantlean aikum-ia: "Khorench sangchem mhonnlear zorui aiz hanv he vevsaient asam zalear hachem karann mhonnlear mhozo ghorkar. Tannem mhaka aplo khub pattimbo dilo ani mhoji chondd asli ti ek vevsai korunk mhojea monnan uzvadd ghalo. Karan tea vellar mhoji cake korpachi ollokh zaiteanch mhojeam kollejintleam ixttank asli ani tanche koddlean mhojeam vevsaik nodren marloleam panvlank khub pattimbo aslo. Mhojea ixttanim mhozo Public Relations tancheam tondantleanuch korun mhaka anik Vasku xarant loukik keli ani oxe toren mhoji fank zait gheli. Tea disak saun hanvem anik pattim vollonuch polleunk nam." Sod'deak tinnem tiche bakerint toear kel'leo dhinsavar cakes, pastries, patties, rolls, adi, "Renee Goodies" hea nanva khall ti vikrek ghalta. Cake-im modhim ticheo cakes, 'Black Forest, ani Pineapple Cream' ekdom nanvloukik zaleat ani ruchik toseoch monn-bhulgavpi. Teo disnean toseoch khavpant khubuch unch urtat ani ek fautt khait tor jerul dusre fautt khaupachi vodd lagpa sarkeo. Tea bhair tanchem moll legit tujeam bolsank burak korpa sarkem nhoi ani he babtin tuka kednach chimtto ieuncho nam. Karan ticheam cake-incho dorzo (quality) khub unch urta ani ho tujean khelea uprantuch onbhovunk zata. Ticheo cakes ghostak teo soddun, tancher nazuk ponnim kel'lem 'cake decoration' egdom monn bhulgavpa sarkem ason ti tuka khavpak egdom tallnent (temptation) ghalta mhonnlear hanv otititai adharchona. Tea xivai ti apleo cakes khatolleank vodik manvopa sarkeo ani ruchik zaunvcheo hem monan dovrun kaim foreign vostuncho vapor korta jeo ti kherit bhailea ganvcheo haddun dovorta. Tinnem toear kel'leo torekvar pormollacheo (flavours) 'Pastries' mottea akaracheo lhannak toxench vaddloleank gostacheo zaun gheleat. Zorui torekvar cakes korop ticho ek khaxelo vevsai, ti Natalank her khavpacheo vostu korunk orders gheta ani torekvar jinnos korun zaiteanchim Natalam godd tosinch khoxealbhorit korta. Tea xivai Paskanche porbek tor tiche "Easter Eggs" Vasku-nuch nhoi bogor Vasku bhair legun egdom loukik zaleant ani ti him 'Easter Eggs' special order gheun toear korta. Gheleam kaim vorsank tinnem toear kel'lim Easter Eggs Vasku xivai, Ponnje legun kaim vinchun kaddleleam xopanim vikrek melltat. Sod'deak tinnem Party-nk snacks korpak order ghevpak atam kaim mhoinne fattim suru kelam ani he dixentleanui tinnem apli kheritkai dakoilea. Zorui tor tum tujea ghorant koslich Party korunk ievjitai ani tuka cakes, pastries kivam snacks order korunk zai, zalear tum anik pattim fuddem kainch chintpachi goroz nam ruchik tosech svadik ani mon bhulgavpi dhinos tuka "Renee Goodies" hanche koddlean order korun gheunk zata. Tancho pot'to, Ground Floor, Bhindiya Apartments, Near Sanman Hotel, Vasku, Goem (0832-514360). Vachpacho Mog ZO konnak vachpacho mog asa to boro. Kiteak, mon'xeak vachop bhouch faideak poddta, ani tea vorvim monis zaitench xikunk vo zanno zaunk pavta. Poile suvater, tachi mot kamais zata, ani dusre suvater, ti barik-sarik sounvsarachi vollokh bi taka mellta. Ani zaka konnak ho vachpacho mog na tachem jivit ritem vortovta. Mhunntokuch, ho vachpacho mog amkam sogttank asunk favo. Hea pasot lhannponnim thaun hi vachpachi sonvoim zo konn korta ti ekdom' bori. Kiteak taka magir ti vachunchi ruch lagta titlo to huxear zaunk pavta. Xiklearuch upkarona, goroz vachpachi-i. Punn vachop mhunntat tem zaunk zai borem. Hem sodun kaddunk poilim borim-tinch pustokam vinchun kaddunk zai. Pustokam asat vaitt ani borim. Mhunntokuch, vaitt tim bhairaunk zai, odik korun, him tim polkim komik figranchim pustokam jim vortovtat titleach vellachim. Him jivak toxim potak mal poddtat. Punn az tim ghoram-ghoramnim, veta thoim, ximpoddlelim disnean ietat, ani zantt'tim toxim nentt'tim mhunno nastanam tanche pattlean aplo boro vell ogddaitat tankam bangar laglolea porim ani, bhair-bhitor sortana, tim khankek marun bonvtat. Punn khoreponnim, ek borem pustok vortovta khann motichem zoxem tem jevonn-khann kuddichem. Eka thoklolea mon'xeak legun ek borem vachop suddsudai haddta poisaun tache veli all'xai ani ek'koddo aslear porian taka ubgoun iena. Hea pasot zo konn vachunk zanno, tannem aplo rikamo vell bexttoch ogddaunk favona. Urbeborit vortovta monis zaka asa vachpacho mog. ["Konknni Pustok Rikamea Vellachem" hea prokaxonantlem hem vachop kaddlam. Boroupi Edward J C de Souza-Guido Asaganv Vale-intlo. Tem pustok Pri Casmiro D'Mello hannem uzvaddail'lem anim Mumboichea The Standard Press-ant xaplelem.] |
GHELEA aitarak hanvem okosmat Goencho Askari Bhoktivont
Zuze Vaz-ache Sancoale vatharant aslole Sanctuarint bhett keli.
Sokallchea nov horanchea misak hanv thuim hajir aslom. Zaite fautt
adim hanv thuim bhett kortolom mhunn ievjitalom torui ek dis legun
thuim vochunk mhaka favlenam. Bhoktivont Zuze Vaz-ache Sanctuaricho
Vice Postulator, Rev. Pdr. Romualdo Robin Rodrigues hannem hi
misachi bhett bhettoili. Misak zaito lok hajir aslo Sancoale
vatharantlo tea xivai hanvem sabar dusrea azu-bazuchea vatharantlo
lok thuim dheklo. Kut'tale Khursa lagchea thikxear (junction) savn
sumar 10 minttanchim vatt. Nitoll ani soroll dha mintancho rosto
kaddun niscomachea painneant sundor hirvim zaddam ani maddanche
savlent rostteache dhave bhazuk hi sumar panch xekdde vhodd
bhoktivont Zuzechi Sanctuar (Sanctuary) asa. 
Sod'deak
he Sanctuarichem mhukailean bhandkam (Construction) cholta dekun
misachi bhett bazuk axil'lea eka vosreant zata. Pdr. Robin sangta
tea pormonnem hem novem bhandkamacho prokolp sumar 30 lakham voir
zatlo. Bhavartheanchea adharan aiz meren zaito duddvancho adhar
sohokar hea sanctaurichea kamank mevla. Anikui zaito vavr korpacho
urla zaka duddvanche mozotichi goroz. Sanctuaricho modlo altar akho
saileachea lankhaddacho ikmotin kantoilolo, lhanuch khoro punn
polleunk sobit dista ani modekat Zuze Vaz-achi murthi ubi asa. Dusre
bazun Padrik ravpache thikan he sanctuarik tenkonuch asa.
Sanctuariche samkar rosttea deger Bhoktivont Zuze Vazachi zorr asa
zuim bhavarthi he zorichem udok pietat ani batlleanim bhorun ghora
vortat tachea ochoriancheam gunnank lagun. Hi zorr chovxim fattranim
bhandlea ani sokla devunk panvdde bi asat. 
Anik
matxe mhukar ghelear tuka rokdich rosteak tenkunuch Boktivont
Zuzechi Orator mevta. He oratorichea kuddant to aplem magnnem kori
khuim. He dhaktulech oratorint bhitor ek altar asa zuim misachi
bhett zata. Sabar xekdde sompoun ghele torui hi orator azun meren
bore toren sambhall'lea. Zomnik lankddanchim follim asat. Modekat
altarar vontin bhitor Pap Saiban Bhoktivont Zuze Vazak dhaddlolo
khuris disti poddtta. Tache bazun Saibinnichi ek murthi asa. Vontir
voir Jezuchem painnol umkollta zalear eke bazun Perpet Succour
Saibinnichem painnol ani dusrea vordan anik ek Menino Jezuchem
Painnol asa. Hea zagear pavtoch tuka athvech torechi xanti ani
xitollkai onbhovunk mellta ani monank kitem tori bhogta. Hem thuim
ghelearuch tuka thavem zatlem. Sancoale ganvant ho vatthar dongram
modim (valley) axil'lean hea zageachi sobitai vegllich ani mon
bulgavpa sarki. Niscomachem bostaunk naslolem khorelem rup hanga
tuka dolle bhor polleunk mellta. 
JEDNAM tache piraechim lhan bhurguim khellacheo
vostu gheun khelltalim ani aple bitor gull zal'lim astalim tednam
tichea monant kaim vegllech kitem vichar khelltalet. Apleam lhan
ixttank thuimch khellunk soddun ti apun aplea chodd avddichea
khellant misoll zal'li astali ani ho ticho chodd avddicho khell
mhonnlear, kuznant vochun veg-veglle jevnnache prat koxe korche
hacher lokx diun tancher proig korop. Oxem korun ti bhurge piraeruch
savn kaim godd khannacheo vostu ani jevnnache prat aple ostugen ani
ikmotin randpak xikli. Ani jem kitem tinnem lhan bhurge montin ek
khellpachi ani chondd (hobby) koxi apnnailoli avodd aiz tika
nam kolltam ticho vevsai zaun urlo. Ami khobor kortanv Vasku-Vaddem
ravpi hanstea sobhavachi ani soglleanche ollkhichi bai Melissa
Martins hanchi.
Bhurgeaponnaruch kosli-i ek chondd asop
mhonnlear ek nibel soimbik vost. Zorui te pirarer tuka ghorcheancho
pattimbo ani sohokar mellot zalear dudhan sakhor zata. Melissa-chea
borea noxiban tichea ghorcheam kodllean khub ut'tejon ani sohokar
mevlo. Tinnem he babtin fuddem panvlam marlim ani cakes koxeo
kortat hancher aplem lokx oddlem. Teo koxeo toiar kortat hem mon
lavhn xikun kaddlem. Aplo rikhammo vell Recipe Books vachun
tinnem sarlo ani cakes-am babtin aplem nean
vaddoilem.
Ami tika bhett keli tednam tinnem aplea bhurgeaponnaili
iad kadit amkam oxem sanglem, "Hanv iskolan ani kollejin xikop
kortalim tednam mhojea ixttanchea vadd-disank tankam hanv mhojea
hatinim toear kel'li cake 'gift' ditalim. Zorui tichea monant eke
Catering College-in bhorti zaun 'course' korunk monn aslem, punn vis
vorsam fattim Goeant osleo sovloti nasleo. Hea mollar xikop korpak
tumvem Goem bhair mhonnlear, Mumbai vochpak poddo. Tichea
voddhilanim tika Mumbai vochpak mona keli dekun tinnem anik patt
fuddem pollenastona mhunnlolea porim apleam kaim ixttam sangata
vochun Porvorim axil'lea 'Foodcraft Institute-an' "Teenage Bakery
Course in Cake Decoration and Icing" ho 15 disancho course korun
apli cake korpachi zanvai anik vaddoili.