|
|
Don Utram NOVEM Voros uzvaddlem. Soglleank Novea Vorsachim hun-hunit porbim.
Gelea vorsachea odivexonant NRI Cell serkaran ghoddcho mhunnon agro kel'lo anim to Mukhel Montri Manohar Parrikar hannem mandun ghetlolo. Aires Rodrigues, Chandrakant Keni ani Tony Correia-Afonso hannim kaim proitn kortoch, Mukhel Montrean tem NRI Cell, zaka NRI Facilitation Centre nanv dilam, tem sthaplem and aplem axvaxonn pall'llem. Hem NRI Facilitation Centre pordexant vavurteleam Goemkaramche proxnn suttave korpak rochlam, oxem Aires Rodrigues hannem sanglem. NRI Goemkaramchi voleri toiar korchi, serkari sovlotimchi NRI Goemkarank sarkhi mahiti mellchi, te koslei avgoddaiek sampoddlear tankam alaxiro zanvcho anim tanchim ghoram-bhattam Goeam asat tim sugur urchim, oxe tea Cell-ache udex asat. Cell serkaran ghoddlam punn tacho mukheli Chandrakant Keni astolo anim tacho adhari Aires Rodrigues. Hea Cell-acho kitlo pasun faido NRI Goemkarank zatolo anim to faido koso korun ghevieta tacher chorcha tharail'li. Tantun bhair thavn ail'lea Goemkaramnim serkaracher vhoddloso bhorvanso dovrunk zainam mhunnon apleam ulovpanim kollit kelem. Punn hea Cell-a udexim pordesantlea Goemkaranche dubhav pois zanvche anim Goemche udcomotik tannim hat-bott lanvchem oso soglleamcho somoz asa. Bharatantuch nhoi pun ontor'raxttrik mollar fank melloil'lo architect Charlea Correa hea odivexonacho mukhel soiro also. Bhailo lokh hanga evn Goemcher xekim chodd vaitt porinnam zait mhunnon tannem bhirant dakhoili. Goemchem sudharop koxem anim kitlem pasun zanvk goroz hacherui tannem thoddi bhov mahiti sangli. Zaite zann uloilet: Aires Rodrigues, Tony Correia-Afonso, Pratapsing Rane, Damodar Mauzo, Dr Manoharrai Sardessai, Dr Nandakumar Kamat, Mathany Saldanha, adi. Goemkaramnim aplem khaxelponn, sonvskrutai, maimbhas anim maimdhesacho mog samballunk zai, oxem soglleamcho mot aslem. Torek-torechim ulovpam zalim. Punn zanchea kanar hea ulovpancho sad poddunk zai aslo te matr thoim nasle. Goemkaramcho mozbut ekvott zanvcho mhunnon hi sonstha hem odivexon korta. Interneta velean tachi khobor zaitea Goemkarank pavoileli. Joel D'Souza "Goemkar Pois Ravil'lea Karnan..."
"AMCHE Goemkar je bhair asat tanche bhitor don toreche lok asat: Gulfant ravpi ani Amerikent, England vho heram desanim ravpi. Gulfant ravil'le lok aiz nam faleam Goeam etlech, hachi khatri asta. Punn je Amerikek, Canadak, Australiak, adi, gel'le lok asa…pois pavil'le asa, te faleam Goeam evn aple 'roots' ghott kortole kaim nam hacho dubhav eta. He lok pois ravil'lean tankam Goemchi vodd amche poros chodd asa hem amkam man'nea asa punn teach borobor te pois ravil'lean te niz Goemkar mhunn aple "roots' visrunk pavleat, soddunk pavleat, oso ek bhoim amkam dista. "Hi bhirant nam zateli zalear tannim khaxelo 'effort' korchi goroz asa anim oxem tanche 'roots' Goemche matient ghott urtele. Aiz je bhair ghel'le asat tanche vixim mhaka bhoim nam. Kiteak, te faleam Konknni uloitole, Konknnintlean 'express' kortele, Goemchi vixim prem dovortele, Goemche vixim mog astolo. Kitem zoddtta tantle thoddexe poixe Goemche udcomoti khatir dhaddtele. Punn tanche je bhurge asat-falea te logn zale, bhurguim zalim-bhurgeam kodde, thoim boreak poddta mhunnun, Inglish uloitole. Konknnicho sombondh urchona bhurgeancho. Tanchi bhurguim zatelim-third generation jem assa--te aple 'forefathers' kedna tori Goeam asle, itlench toklent dhorun ravle zalear, tancho amkam nikhalus faido mellpacho nam. Goeank faido nam, Goemkarank faido. Anim tankam amim Goemkar mhonnche kai kitem hacher 'I have my own reservations'. "Atam amchich example ghetli zalear…Lata Mangueshkar Maharashtrant ravli. Ti Goemchi mullchi mhunnun Goemkar tika mathear ghetat punn ti sotha apunn Goemkar mhunn'nam, ti Maharashtra kan'nea mhonnta. Karann, ti thoim ravlea, thoim vhodd zalea ani tiche 'roots' soglle Maharashtrant asat. Ticho guneanv nam. Amim tika 'Goemkar' mhunnun mathear kiteak ghevop? Ti Konknni uloinam. Tika Konknni vixim mog nam. Ticho Dev asa mhunnun ti Goeam eta, devlan vota anim portun vota. Ani ti apleak Maharashtrian kan'nea mhunntta. 'Fair'. Amim tiche kodchean opekxa dhorpak enam. "Punn apnnank Goemkar mhunnttat tanchea bhurgeanim-natram Goemche bhaxecho anim Konknnicho mog aplea kallzant dhorpak zai anim Goemche udcomotik, apunn jem zoddtta tantlem thoddem tori dhaddpachi toiari dovorpak zai. Aiz te Goeam axil'le, Goeam zodil'lem, zalear te Goeam modche naxil'le? Aiz te moddttat bhailea ganvam khatir anim te ganvche udcomoti khatir vavurtat. Dekun tancho faido Amerikek, Inglanddak, Canadak mellta, tor Goeam kiteak mellcho nhoi? Ani mhunnun he je bhair asat tannim Goemche vixim ani tiche udcomoticho vichar korcho. Anim faleam goroz poddli-oxi goroz poddchi nhoi-khoim apleak sonest nam zalear, Goeam aplea ganvghora pavcho zalear tannem aple 'roots' hanga thodde tori ruzu korun dovorpak zai. Ani tigovn dovortele zalear fokot 'roots' tigovn zainam, apleponn samballun dovorpak zai, anim Goemkaram modhem mellon-misllun ravpachi toiari tanchi aspak zai. "Anim toxem kortole zalear, oxea velar NRI cell-hachi amkam goroz asa. NRI cell ghoddovn tancho sombondh urtolo anim taka lagun, aiz nam faleam, jednam goroz poddttoli tednam amim tanchea adharak pavtole, amchea adharak te pavtolo. Oxe torecho vavr korunk amkam melltolo, oxem mhaka dista. Taka lagun World Wide Goans-chem jem convention getat tachi goroz asa. Hea nimtan suttiechea disamnim te eka mekak mellunk pavtat anim oxem mellil'lean Inglandak ravpi lokachem problem anim Gulfak ravil'lea lokachem problem ek nhoi pun vegllem anim Goeam ravil'leache problem veglle asat. "Tor, khoim tori soglle ekttaim evn ho problem suttavo korunk xeoktole kai kitem hacher vichar korpachi goroz asa. Hea nimtan Goemchi culture, Goemchi identity hacho sodh ghevpacho proitn asa to khup thoknnai korpacho anim to zavpachi khup goroz asa." Konknni Yuka Sahitea Sammelan
"HEA sahitea sammelanantlean amche tornatte sfurt ghevun sahiteachea seve khatir fuddem sortat aplea gunnantlem sahitea gunn fulavpa khatir, te zavn fuddem etat. Bhaskar Naik amche modhim asat. Chear vorsam pattim tannem Konknni Akademik ek prostav dhaddlo ki oxe torechem sammelan tachea tea vellavellea Kepemchea Sorkari Mahavidhyalaya korunk sodhta ani taka Konknni Akademicho palov anvddeta. Bhov bori kolpona axil'li, je kolponentlean amche tornatte pillgek, pillgechea monacher sahiteache bore sonvsar zavnche oxe torechea mattvan hem sammelan bhorchem. Ani ti survat Kepem zali. "Kepemcheam sammelan Fonddeam ailem, Fonddechean Sammelan Mhapxeam pavlem, Mandovi polltoddi, ani onnum hem sammelan hea Sankhlechea sobit mattvan bhorta. Ami ek gozal pall'lea, hem sahiteachem veaspit, hi sahiteachi machi, sahiteachea machi he nodren tichem pavitr sambhallchem. Hi xist ami poilem sammelan pasun pall'llea. Ami mateak fette bandun, addechem sovong ghevunk sodhina. "Ami hea sahiteache machier rajkoronn zanv dusreo gozali, jeo sahitea bhaileo asat, tevui haddunk soddna. Hem sahiteachea ani sonskrutiche veaspit, tea veaspitachem pavitrea rakhchem, oxe torecho preotn cholta. Goa Konknni Akademicho haka palov mellovp, ho favour nhoi. Akademi sarkhe sorkari sonvsthechem hem kortovea, ki zhoim-zhoim sahitea vhoir sorpak vatavronn nirmonn zata, thoim-thoim taka palov divop, alaxiro divop, tem zata te bhaxen tem borem bhaxen zanvchem hea khatir vavrop." Kherit
Kuttumb PANCH ixtt--Ignatius, Romald, Rui, Mohan anim Bosco--Dhobitalao, Hamalwady, eke porne imatoritache dusre mavier, eke lhan kottrent ravtat. Goemchea veg-vegllea ganvantlean te aileat. Dog nokri kortat, dog xiktat anim eklo nokri goroita. Dor ekleak ap-aplo, kherit usko asta. Punn te eka meka sangtan, fokanddam korun, eka-mekachea adharan, khuxealponnim jietat. Romald matr tankam sodanch matso ugich, chintest koso dista. Khottrechem bhaddeache duddu divpakui taka avgodd lagta, punn te taka somzun ghetat. Bhav-bhav koxe te jietat, ghoddta tea pormonnem chav korpachi anim ghorant saronn marpachi palli kortat. Konnem ang marlear legun somzun vhortat. Fokot Ignatius anim Romald halinch nokrek lagleat. Bosco lagxile kolejint Engineering xikta anim Mohan apli MA xikxonn korta. Boscok songitachi avodd anim reddiacher FM lavnk gelear Mohanank mall poddtta. Apnnank xikchem asta mhunnon to taka kednaim songitacho avaz matso komi kor mhunntta anim tednam Bosco bejear zata. Hanchea modhem, Ruichem problem matxem zoddar poddlelem koxem dista. "Nokrek lagun ak'ki Mumboi bhonvlom," to bejear zavn mhunntta. Ruichem sintid zagear asonam. Aiz konnachem khomis ghalun, zalear faleam konnacho tuvalo bhenddak bandun. Mellta tacho khaddacho vakor kaddtta anim tachem bukol kaddinastanam khadd korunk sodhta, anim soglle amukech hanstat. Romaldacho sintiment: Romald kazari. Punn to tankam sangunk bhieta karann soglleanim soputa khal tharailelem asta: Girl friend konnuch kottrent haddchonam, soglle ankvar ravtele, anim kazar ekloi zanvchonam. Rinacho pai taka kazar korunk sodhta mhunnon tem ghoddbhoddint Romalda laguim kazar zavn kuxin sorta. Sov mhoinem zale torui Romald taka Mumboi vhoronam tem pollovn Rinacho pai bejear zata. Lokacheo kendnneo tachean sonsunezo to Rinank sangta, "Mhoje dhuve, tujea paiam poddtta. Hea ghorantle bhair sor anim mhoje urlele dis favta toslea visovan mhaka sarunvdim." Dusro upai nam zavn, Rina Mumboi veta. Xekim tankam tea bhaddechea ghorant vechem poddtta. Punn tncho spout: ekloi girlfriend thoim kedinch haddchonam mhunnon? Romald Rinank ghevn eta. Tachea poilem taka sangta, "Rina, tankam sang tum mhoji kollejintli ixttin mhunnon. Kaim khasgi karannank lagun, transant poddun, ghor soddun ailaim, ani hanga pavlaim. Somzoleim?" "Sangchench poddlem. Kazar zavnui amkam amim ghov-bhail mhunnon somazak sangunk xekonant?" Rina suskarta tednam Romaldachea kallzar dukhicho bhallo topta. Punn kitem kortolo? Hoi-Nhoi korun te Romaldak aplea ankvaranchea kuttumbant asro ditat. Punn, atam konn-khuim nidhtolo to proxnn poddta. "Soglle atam kuznant nhidoia ani Rinank ruman asundi. Tuka sodanch gorom zata, Bosco. Tum bathroom-ant nidhlear boro. Ani chodduch gorom' zata zalear 'shower' sodd…noll chalu aslear." Punn Inatius-ak tacho dubhav poddta. Ignatius Romaldak kuxin vhorta anim sarkhem vincharta, "Tem tujem girlfriend mure? Amcho kaido zanno astanam taka ghevn hanga ailai?" Romald sangta, "Tem mhojem girlfriend nhoi re baba? Girlfriend nhoi!" Rina apli potin mhunnon sangunk to bhieta. Punn xekim sanchench poddtta. Dekhun team ixttant Romaldachi vagnnuk bori lagonam. Te taka ghorantlo bhair kaddttat. Punn Mohan, zo tim bhitor sortanam duent aslo anim Rinan taka adhar dilolo, to tanche votin tanchea vhoddil koso, Ignatius sogllem samballun tancho kont-ixeop samballta, taka somzaita. Dekhun jednam Romald porot ghoran bhitor sorta, aplem samonn vhoronk, tednam tankam sangta, "Hea fuddem hanv Mumboi ravchonam. Hanv Goeam vetam. Tumcho rag nivlo mhunnttoch mhaka don utram bhorovn uddoiat, tednam mhojea jivak borem distelem " Apli lhan suttkes ghevn, Rinachea khandar hat ghalun Romald bhair sorunk vetanam Ignatius tankam addaita. Ignatius sangta, "Atam hem ghor tumchench. Amchea modhleam chovgaim ixttam poros he vostechi vhodik chodd goroz tukam asa. Jednam amchi sarkhi soi zata tednam amim ek eklo hangasorle koddsortele." Sogllim khuxealkaien eka-mekak ekech vengen revddaitat. Tednam Bosco kuxin sorta anim hollu utor ghalta, "Mhojeim girlfriend asa. Hanv taka ghevn ienv?" |
Pornem voros
somptanam, Dezembrache 29ver, World Wide Goans sonsthechem
International Goan Convention Kala Academichea vosrean zalem. Khub
Goemkar Natalamchea suttiank Goem ailele dekhun hea odivexonank
(Convention) te vhoddle sonkhen ajir astele oso soglleamcho somoz
also. Karann: tem odivexon Goeam ravtelea Goemkarank vhoddlea
faideachem naslem kiteak tem NRI Goemkarank kosle nam tor kosle
proxn eta te suttave zait kai mhunnon World Wide Goans, ek tatpurti
sonstha rochleli, te sonsthen ghoddovn haddlelem. 
Goem thavn pois vetoch Goemche ubhav amchea
ganvbhavank eta khore punn te he ubhav koxe bhagoitat? International
Goan Convention 2001 Ponnjent zavpache aslem te adle sanjer Konknni
Bhaxa Mandalacho Odeox XRI DAMODAR MAUZO babak ami don-tin proxnn
ghale. Damodar baban dil'le zabab oxe asat: 
Konknni Yuva
Sahitea Sammelan Sankhlle zalem,