|
Novlamcho Moddko Ek xetkamti ani tachi bail aplea xetant khonddttanam, "tann, ttan..ttan...korun tankam avaz ailo. "Hanga kitem tori asa," tannim mhonnllem. Pollelear, ek rund tonddacho moddko. To tannim kosoi korun bhair kaddlo punn kaim na...rito aslo. Torui tannim to zodd-chiro moddko ghara vheloch; punn uklun vhortanam tanchi poti tantunt poddli. Ghorant to moddko zomnir dovorlea uprant, bailen oddov ghalun poti kaddunk voch zalear, chavieancho gonsui thoim aslo. Voir kadd zalear, 2 potieo and 2 ghons tantunt mell'le. Hem anink item! Tim eka mekak polleunkuch urlim. Xetkamtean mhonnllem, "Kitem tori hem mejikechem aidonn." Tednam bailen porsantlim don vainguim haddlelim xakek mhonn, tim tantun uddoilim. Ani ilea vogtan kadd zalear, 4 vainguim mell'lim. "Toxem zalear duddu uddoun polletam," xetkamtean mhonnllem ani bhitor vochun 4 rupia and don bhangarachim libram aslim timvui uddoilim. Zalear, 8 rupia and 4 libram mell'lim. Sogllinch khoxeal zaun tim sogllim moddkean uddoilim ani kadd zalear dobrad aslim. Dogaim kaddit ravlim. Korun, korun tanchea dolleam mukhar duddvanchi ras ubi zali. Bhair donpar zal'lo polleun ghovan mhonnllem, "Bhuk lagli, chol kiteim pottachem kor," ani thoinch onttik tenkun zomnir boslo. Bailui babddi bhukhel'li ani kansad zal'li, torui nimannim libram kaddttanam khoincheanuch hat nisrun tea moddkean poddli. "Mhaka bhair kadd...Mhaka bhair kadd," mhonn ticho boball zalo. Ghov vegim-veguim uttlo ani hat diun tika bhair kaddli. Tor tiche pattlean dusri ek bail ubi zali mhonnun, "Mhakai matxi bhair kadd." Xetkamtean babddean tikai kaddli. Tedna tache bailen mhollem, "Tika anink hanga kiteak?" "Ti mhonn babddi khoim veteli, asundi tika," ghovan mhonnllem. "Nam, tunvem tika thoinch sanddunk zai asli. Uk'kol ani uddoi tea moddkean." "Punn tantun uddoilear tisri bhair sorteli nhoi? Magir kitem kortai? Matxi ogi rav polleum-ia hanv tem sogllem tharear ghaltam." "Tum tharear ghalta mhonnosor tujem pott ravot mu? Hanv mhojem xit anink randdpak lagtam?" "Matxi ogi rav mhonn sanglam nhoi tuka?" "Ogi rav! Na. Koxinch ravchina," mhonnun ghovak dhukhol'lo... to sompto tea moddkeant poddlo! "Mhaka bhair kaddat..." boball tacho. Tor dogaimnim hat diun taka bhair kaddlo. Zalear, "Mhakai bhair kaddat mum," mhonnun pattlean dusro toiar zalo. Xetkamtean babddean takai hat diun bhair kaddlo, ani khoxealkaien mhonnllem, "Ah! Atam amcho proxnn suttavo zalo." Hem polleun bail ogich poddli. Dogaim ghov-bailamnim magir don ghoram bandhlim ani khoxeal jielim. D. Bertha de Souza e Menezes OPARI
Opar moniskulla-itli pornni zannvaien bhorleli sinsli. Zannaramnim opareo boroun kaddleo. --Konkani Oparinchem Bhanddar (The Treasure of Konkani Proverbs), Antonio Pereira, SJ Hanv
hanstam deska, des hansta mhojea bhesak. Motiam...
Sopnnakar 'Ho polle ieta sopnnakar, taka dhorun marum-ia anim tachim sopnnam khuim pavctat tim polleum-ia,' mhunnlem Jezechea bhavanim (Gen 38,18-20). Mhojem bhurgeponn sopnnanim bhoron votlam. Sopnelelim sopnnam zaitim jivitant misoll zalint. Azun porian hanv sopnnanim revoddlam. Kednaim mhaka oxem bhogta. Jednam hanv sopnnam pattlean taktin dhanvchonam, tednam mhojea jivitak goddsann vo mitt-mirsang aschinam. Zaite pauttim sopnnam anim chintnam doria anim nodichea udka porim misoll zaleant. Disachem soglem polletalom ani ratcho vhoddlean sopnnetalom. Zaite pautt amchea dongra mathear vimanam Vasco varea bondrar ieta vetalint. Chodd voir vochunk kitle dis rat sopnnetalom to fokot hanv zannam. Punn hem soponn upott bhoron votlem.Vachpea, jivitant kitle pauttim hanv varear paulonam zait? Sabar pauttim Air India, Alitalia, Sabena, Cathay Pacific, Emerates, Indian Airways, Jet Airways, Damania, Eat West, heam vimananim hanv bhonvlam. Dev mondirant misa, pasa ani festa vellar iadnik nettan provochon kortale. Avaz manddavoll nam zaun te vhoddlean arddotalet anim aplo tallo olo korunk udhok pietale anim portun sangunk suru kortale. latim bhas modhem-modhem tastale anim ti aikun mhoje kan khorzutale. Khorench ek navadik provochon korpi zaunk mhojea jivitachem soponn aslem. Igorjent aikolelem ghara ieun tonnamchea kuddear choddon akhea vaddeak aikota te porim mhozo sermao sangtalom. Latim bhaxen suru korun Konknnintlean aker kortalom. Ang bhor khursachi kuri kaddttannam mhunnttalom, 'In nome patris, ani filis ani santis, Amen." Azun meren Devache sevent zaitim provochonam keleant. Franciscan sonsthent subez-unnem 50 retir azun meren dileat ani Bharatacheo ximo utrun Dubai, Sharjah, Ajman, Fujiera pavlam. Italiak zaite pauttim provochon zalea uprant bhitorleo madri tallio pettoitaleot. Azun tanchi chal hanv somzonknam. Ugddas mhaka asa koxe porim eke sundoren sermavam vellar mhaka dhipkailolo, ani koxe porim mhozo sermanv ambear than ponnsar pavlolo to. Rev
Dr Simon Rico Fernandes, Capuchin
50
MOTIAM
|
