Ekleak
Moza, Dusreak Soza
Ek pavtt thodde
moste bhurge eka lhanxea tolleache deger khelltale. Khellun zatoch
te soglle thoim bosle. Tolleant chodd udok naslem. Tantum kaim
bebkam ravtalim. Tim tankam dislim. Tannim tancher fator marunk
survat keli. Bebkam babddim bhielim. Tim aplo jiv vattanvk he
vatten te vatten dhanvunk laglim. Kaim bebkam zokmi zalim. Ani
kaim thoinch melim. Bhurgeank ti mozach disli. Tankam anikui nett
ailo.
Itlean eka vhoddlea bebean uddki marli ani bhurgeank mhonnllem:
"Tumcho khell zata, punn amcho jiv veta. Ekdom koslo avaz
zalo mhonn chintun bhurge bhiele ani pollun gele.
Apnnak borem dista mhonn kiteim korchem nhoi. Tem dusreank trasachem
zanv ieta.
Anagha
Kamat
Alto Porvorim.
RAZACHO
PARVO
Nasrud'din razacho mukhel montri zalo. Ek dis razache palasint
bhonvtana tannem jivitant poilech pavtt razacho ek giddgo (falcon)
pollelo. Toslo giddgo Nasrud'dinan kednanch pollenvk naslolo.
Taka to ek parvo koso dislo. Tannem kator haddunk laili. Uprant
katrin tea giddgeacheo nakxeo, pakatte ani bonch katrun lhan keli.
"Atam tum eka khorea parvea sarko distai. Tuzo sambhall kortolean
itle dis tuji sarkho kuidad korunk naslo,' to mhonn talo.
Jivitbhor parvech polleloleank giddge soit parvech koxe distat.
Giddgeank te parve korunk sodtat. Baintlea bebeank apli baim akh'kho
sonvsar. Tankam aple bainchea bhailea sonvsarachi vollokh na!
Pratap
Naik, S.J.
1. Osol mosol
korun nitt kelem, thuki lavn bhitor ghalem. kitem?
2. Nennar khobor nastana voilean cholta. Zannar khonnun khata.
3. Oskot nari, aplem ant foddun vhori.
4. Taka dhonstolo konn na, punn to pinrgunchem soddina.
5. Mollbar umkollta thorum naslolo koito.
6. He vatten polletam, te vatten polletam disona, khoimsorui pollelear
mhaka zagonvchi mhoji maim disona.
7. Akodd pakodd tambea bhann, bot'tis rukank ekuch pan.
8. Kirlona, pottant vaddona, bhumicher asa, mollbar asa, punn
udkant mat na.
9. Hai hui matie bhitor
10.Hanv poddlear poddta, hanv utthlear utt'ta, kallkant mat mhoje
bhitor rigta.
Netra Veluskar
Cuzra, Santa Cruz
Parkonnim:
1. suiek sut ghalop 2. konngi 3. sui sut 4. dukor 5. chinch
6. mhozo avaz 7. tondd, dant ani jib 8. varem 9. alem 10. savlli.
