TSUNAMI
KONKNNI KANTARANCHI AUDIO KESETT

Socorro de Santa Cruz, Konknni machiek ek kherit dennem. To ek rosall talleacho gavpi. Tosoch huxear gitam rochpi. Tsunani, tachi baravi kesett, amchea mezar pavlea. Ti ami porot-porot aikolea ani tantuntlea kantarancher thoddo bhov niall kela.
Poriavoronn kantarak maesto Josinhon kherituch sad bosoila, ani Sonia gailelem kantar aikonk anink urba ieta. Xamaim, Priankan gailelea kantaran, Socorron eke xamaichea valorachem bes-borem vornon kelam. “A” bhagantlim sogllim kantaram aikopa sarkim, punn Anicetan gailelelem Onupkarponn kantar soglleam kantaram poros borem thorta.
Kesettichi “B” bhagachi survat Goa Maim kantarantlean zata. Socorro, Anicet ani Bab Andrew hanchea suvadik avazan tem aikunk mellta. Devosaum, bab Andrewn gailelea hea kantaran kaim zann fottingponnan ani naddponnan aplem jivit sartat, punn dispott'tti igorzamnim vochon horddim boddoitat, izmolam kortat toslea dhongeanchi kortubam sorol ugddapim kortat. Heai gitan, Josinhon songitacho sad aikoteleanchim kallzam khoxen bhortat toso dila. Adlea Fox-Trot kumpasacher bosoil'lem Sonia ani Socorroachem Mobile git ekdom borem lagta.
Xevttim, kesettik mateallo dil'lem Tsunami git, jem khas Socorro gaita, Tsunamichea vellar nirbhagi lokan kitem bhogchem poddlem tim chitram chintnachea porddear zollkotat. Albumantlem nimannem git, Tiatrist, Anicet ani Socorro gaitat. Amcho tiatr bhorpur sudhorla, tache donxim-tinxim legit proiog zatat mhunn sangttanam kaim tiatrist apleakuch veg-vegllea navamnim bautism ditat tancher boddi marlea. Tsunami kesett uzvaddaun Socorran Konknni kantaranchea koddeak sui haddlele porim dislem.
Nirmato ani gitam rochpi: Socorro de Santa Cruz
Songit: Maestro Josinho
Gavpeam: Socorro de Santa Cruz, Sonia, Prianka, Toni, Anicet, Albert, Jose, Justin, Bab Andrew ani Ave