BHURGEANCHI PODDVI
AMCHE BAGENT
KAZ
Inglix nanv: Cashewnut tree
Botanical nanv: Anacardium occidentale
Kazuchea zhaddanchi lagvodd choddxi dorya degechea vottharamni kortat. Kazuchem zhadd, mull Bharotantlem nhoi. Purtugezamni Bharotant Kaz haddli. Kazuchim zhaddam choddxim dongrar zatat. Dezembr mhoineant Kazuchim zhaddam chovorpak lagtat ani Febrer, Mars mhoino mhollear tankam follam lagpak survat zatat. Goyant Hollduve, Tambde ani Kesari rongache Kazu pollevpak melltat. Choddxea follank biyo folla bhitor astat punn Kazuchea follak bi bhair asta hem ek oprupuch. Kazuchea follak chodd mol na punn biyank mat bhorpur mol asta.
Hea zhaddachim panam, sal, mullam ani follam voktak vaportat. Kazuchim fulam jivannem chablear voktant vaportat. Dantacheo manvo suzlear ani dant usoll'lear Kazuchea zhaddachim panam ani sal voktant vaportat. Kazuchea zhaddak zavpi dik Koddachea duyensak, nayto va khoroz zalear, khinn va kil'li zalear vaportat. Katichea vikarank Kazu (foll) ekdom' borem. Moddxi poddot zalear, jevnnachi ruch vochot zalear Kazu (foll) jivak borem. Kens goll'lear ani kensachi vadd zavpak kazuchem foll borem. Kajuchea biyancho gor ruchik ani bholaikek boro. azuchea zhaddanchi lagvodd choddxi dorya degechea vottharamni kortat. Kazuchem zhadd, mull Bharotantlem nhoi. Purtugezamni Bharotant Kaz haddli. Kazuchim zhaddam choddxim dongrar zatat. Dezembr mhoineant Kazuchim zhaddam chovorpak lagtat ani Febrer, Mars mhoino mhollear tankam follam lagpak survat zatat. Goyant Hollduve, Tambde ani Kesari rongache Kazu pollevpak melltat. Choddxea follank biyo folla bhitor astat punn Kazuchea follak bi bhair asta hem ek oprupuch. Kazuchea follak chodd mol na punn biyank mat bhorpur mol asta.
Hea zhaddachim panam, sal, mullam ani follam voktak vaportat. Kazuchim fulam jivannem chablear voktant vaportat. Dantacheo manvo suzlear ani dant usoll'lear Kazuchea zhaddachim panam ani sal voktant vaportat. Kazuchea zhaddak zavpi dik Koddachea duyensak, nayto va khoroz zalear
Preeta Naik
TSKK, Alto Porvorim
ISOPACHEO KANNIO

MAZRACHEA GOLLEAK KAMPINN
KONN BANDTOLO?
Ek dis eka vhoddlea gudvantlea sogott undranchi ek zomat zali. Tankam ek mazor khub tras ditalem. Kednam kednam tanche bhitorlea undrank dhorun khatalem. Mazor choltana avaz ienaslo. Haka lagun tankam gudvantle gonv suxegat bosun khanvk mellonasle. Haka upai sodunk te ektthaim zale.
Eka xannea undran mhonnlem, “ Mazor ieta tem amkam zor koll'lolem tor ami tea vellar zagrut ravtole asle”. Dusro ek undir mhonnalo, “ Mazrachea golleak ek kampinn bandunk zai. Tednam mazor ietona amkam kolltolem. Sogttank tacho upai boro laglo ani tannim taka xabaski dili. Titlear ek zannttelo undir uloilo, “ Tumcho upai boro asa, punn mazrak kampinn konn bandtolo? Ho prosn aikun soglle undir voge bosle. Doreklo dusrea kodde polleunk laglo. Tankam mazrachi bhirant distali.
Hernak bud ditole zaite, punn hatbhar lavpi thodde.
Anagha Kamat
Alto Porvorim

KADDIO BODDIO
Ghantticho Nad
Doriant eka zunvear ek mondir aslem. Tea mondirant dusrea dusrea akaracheo zaiteo lhan, vhoddleo ghantti asleo. Jednam varem vhalltalem, va tufan zatalem tednam teo soglleo ghantti sangata vaztaleo ani tanchea avazan songitacho ek nad toyar zatalo. To aikunk khub boro lagtalo. Zaitea xekddea uprant to zunvo doriant buddlo. Zo konn doria toddir bosun chit diun aikota taka tea ghantticho nad aikunk ieta oxem lok mhonntalo. Hem chintop loka modem vistarun tem tanchea lokvedacho ek vantto zal'lem. Jednam poixilea desantlea eka tornatteachea kanar hi khobor poddli, tednam to nad aikunk te doria toddir ailo. Kitlexech dis voranchim voram to doria toddir boslo. Punn taka ghanttincho nad aikolona. Taka fokot doriachea lharancho avaz aikunk ietalo. Tea lharancho avaz kuxin korun ghanttincho nad aikunk tannem khub proitn kele. Punn kaim faido zalo na. Ganvchea zanntteam kodde to apnnachi niraxa sangtalo. Tantlea kaim zonnamni mhonnlem, “Ami to nad amchea kanamni aikola. Mondirachea ghanttichea nada vixim mhalgoddeanchi ji sangnni asa ti samki khori. Ghanttincho nad aikunk tornattean kel'lem sadhon nirfoll zalem. To ganv soddun aplea disak vochunk to sodtalo. Tea ganvantlo tacho nimanno dis aslo. Doria toddir renver to udaro nidun aslo ani doriacho avaz tachea kanar poddtalo. Sott'tt korun tea lharanchea avaza modem taka eke ghantticho nad aikolo. Uprant ekek ghantticho nad tachea kanar sadunk laglo. Sontosachea nadant to tornatto buddlo.
Zankam bhitorle kan asat tankam lharanchea avazant Devacho tallo aikunk ieta.
- Pratap Naik, S.J.
AMCHIM HUMANNIM

1. Amger thaun tumger halonatana veta konn to?
2. Amgeli mhatari kombien pilam kaddlear chorta.
3. Amchea babuk zolmotananch mixio.
4. Amche mandrek xembor burak.
5. Amchea saibachem pettul ek pavttim ugoddlear dhampunk zaina.
6. Amchi zhor vichitr: taplear vhallta, nivlear sukta.
7. Amchi mhatari sonvsaracho uzvadd polleunk nasloleank dakoita.
8. Amcho gavpi gaitana moronn magta.
9. Amchi maim jivan lhan, punn randta ruchik khann.
10. Amcho kufator fenn vonkta.

TSKK Vangddi
Alto Porvorim
MIGUEL RUZARICHIM FOKANDDAM

Duming Travasachi bail bori sust nidloli. Modeaner ti sopnnetali. Kaim vellan ti vhodd ek killonch marun uttli ani tinnem ghovak uttoilo. Dumgan laitt ghalun pollelem: tachi bail soglli tambddi zaloli ani tika usvas porian sarko kaddunk ienaslo. Kaim vellan Dumgan tika vicharlem, "Tunvem oxi kiteak killonch marli? Ani tum oxi koxi tambddi zalii?
Bailen zap diun mhollem, "Mhaka ek chodd vaitt soponn poddlem. Thoim ghovank pavnner dovorlole. Kaim zannank dha lakh, xembor lakh, oxench tankam lakhamni magtale."
Dumgan bailek vicharlem, "Toxem zalear mhoje tosleank kitle ietale?"
Bailen zap dili, "Hanvem hakach lagun killonch marloli. Tujea tosleank lhan lhan pottleo korun ditale: Rupiak panch pottleo."

Matthew Almeida, S.J.
GINEANANK SAREM
Gineanak Sarem he spordhent fokot poili te dhavi klas meren xikpi bhurgeamni matr vantto gheum ieta. Zapo boroun hea sokoilea pot'tear 15 Abril 2006 bhitor dhaddat va haddun diat. Eklean ekuch chitt dhaddunk ieta. Poilem ani dusrem oxim don inamam astolim. Eka poros chodd zonnamni sarkeo zapo dhaddleo zalear sort ghalun inam ditoleanv. Amkam chitt boroitana tumcho fon nombor va e-topal (e-mail) borounk visrum nakat. Zapo dhaddunk pot'to:
TSKK
B.B.Borkar Road
Alto Porvorim, Goa - 403 001
Fon: 2425857, 2415864
va
Gineanak Sarem:5
Diamond Publication
2ND Floor, Miriam Bldg.
Rua de Natal, Panaji, Goa - 403 001. Fon: 2424888
BHOKTI SOBHANN
Tujem Bhojon
Tujem bhojon korum koxem?
Tujem kirton gavum koxem?
Moxid moddli, igorz foddli
Mondir moddlem, gopur toddlem
Devalem ghor bhoxttailem
Hachi amkam chinta khont na tor
Tujem bhojon korum koxem?
Tujem kirton gavum koxem?
Tujeach nanvan dhormachea niban
Ixtt ixttacho jiv kaddtana
Xeazri ghor zolloitana
Mon'xaponn lasun gobor zatana
Tujem bhojon korum koxem?
Tujem kirton gavum koxem?  

Fr. Pratap Naik, S.J.
BHURGEANCHI SONVSAR

ISKOLACHIM BHURGIM
Iskolachim bhurgim
ami sogllim
rongeallim fulam
zoxim bagentlim.
Iskolak vetat
Obheas ami kortat
Ttichor amkam sangta kanni
sonxea kansvachi.
Krikett ami khelltat
Kaboddi-i khelltat
Punn amkam soglleank
avodd baba futtbolachi.
Khinnant ami zhogoddtat
Khinna bhitor ek zatat
Dusrea konnem-i poddchem nhoi
amche mozgotim.

Pratap Naik, S.J.
MHOINEANCHO PUNZO

1. Moddvollachem sunnem nhoi ghorchem, nhoi ghattachem. (The dog of a washerman neither belongs to the house nor to the Ghats.)
2. Manlem tor dhempui supari. (If you accept, a clod of earth is betelnut.) Manlear Dev, na zalear fator. (If you respect it is God, otherwise a mere stone.)
3. Kurddea angant tiddko, ani boddkea angant liko. (The blindman has anger and bald person has lice.)
4. Kamboll bhizta titli zodd zata. (The coarse blanket as it gets more wet, the heavier it becomes.)
5. Kallji marta mazrak. (Worry kills the cat).
6. Aplem tem bapddem, dusreanchem katddem. (One's own is tender, others as tough as leather.)
7. Bhero don pavttim hansta. (The deaf laughs twice.)
8. Bhannant tandull tor, kallzant bhavart. (If there is rice in the crock, then there is faith in God.)
9. Dukrache sonddiek mudi ghalum naka. (Do not put a ring on snout of a pig.)
10. Fator marun hat lipoita. (One who throws stones, hides his hands.)

TSKK Vangddi, Alto Porvorim