AmchemDaiz

POVITR PUSTOKantleo
zannvaiecheo
Mhonn’nneo

Zo konn xisticho mog korta to zannvikaiecho mog korta,
Je konn chukichi durusti korun ghenant, te pisatt.

Prommanikacheo ievzonneo mannsugecheo,
Noxtteanchim karasthana ghatkeponnan bhorlolim.

Allxea, anink kitlo kall legit tum thoinch nidhun ravtoloi?
Tuje nidhentlo tum kednam tori zago zatoloi?

Xirap aikun gutt koso samballta
To apnnacheach jivak vittelolea choracho bhageli zata.

Tuka mellunk xokonant tea dovlotincher nodor ghalunnaka
Kiteak ghonni bhaxen tankam pakhotte futt’tole
ani teo ontrollant uddun vetoleo.

Gineanachea mon’xa mukhar zannvai asa,
Punn pixeache dolle mellot thoim heddttat
Ani kiteantui nak buddoitat.

Zor ek raza fottingponn aikota,
Tor tache soglle odhikari bodmas zatole.

Dusreank rinnank fiador ravtat toslea govai ditoleam
bhaxen zaum naka;
Tujean farik korunk zaina zalear te tujea paiam pondli
xendri porian kaddun vhortole.

Devak mandinasloleachem tondd xezareachem nisontton,
Punn zanvaie vorvim promannik to surokxit urtolo.

Ek somjikai nasloli sundor ostori mhunnchem
dukrachea gomttean bhangarachi mudi.

Eklo udarponnant duddu vantt’ta tachi girestaki vadtta,
Dusro imtteponnam korta torui to goriburuch urta.

Tujea bhurgeacho chuki nittaier ghal ani to tuka sukhi dovortolo;
Tujea kallzak dhadosponn ditolo.

Zor sonvsarant promannik mon’xak favo tem mellta
Tor nostteak ani patkeak kiteak khast mellchina?

Thomnne marit bapaik polletat te dolle,
ani zolm dilole avoik kikont kortat tankam falkeantle vinchtole,
ani tankam gid girastole.

Mornank bad zaloleank soro di, kalliz zodd zalam taka soro di,
Soro pieun tankam apli dukh visrum di,
Ani aple konixttaiechi tankam iad zaunchina.