Konknni Raxttrmaniotai Dis
20 Agost 2006 disa Goa Konknni Akademi 'Konknni Raxttramaniotai' monoiteli. Tea disache kariavollint ondum vorsa mukhel soire mhunn Akademint Goem Vidhan Sobheche Sobhapoti, Fransisco Sardinha, hankam amontrit kel'le asat. Toxench Akademin manache soire mhunn jest lekhok ani xikoupi Dr Harischandra Nagvemkar haka amontrit keleat. Tanche hostukim 2005-2006 vorsa ghelelea tiatr lekhon sortint zoitivont zal'leank inam bhettoitele. Hea vellar novea pustokamcher Dr Rupa Chari ani Shri Vincy Quadros uloup kortelim. Kariavolllichi iezmanki Akademiche odheokx Xri Pundolik Nayak choloitele tor Akademiche up-odheokx Dr Tanaji Halankar prastavik kortele ani ievkar Konknni Bhaxa Monddollache odheokx Xri Purnanand Chari ditele, oxem Akdemichea prosidh'di potrant kollit kelam.
Hi kariavoll Akademi, Konknni Bhaxa Mondoll, Goem, he sonsthechea zoddpalvan Konknni Bhavan, Moddgonv, hanga sanjechea 4.30 vorancher monoita ani sogllea Konknni moginim, sonsthamni ani lekhokamni he kariavollik hajir ravon ti zoitivont korchi oxem donui aiojok sonsthamni maglam.

Daran-dar bhonvun pustokanchi vikri
Goeant Konknnichi chollvoll fuddem vechea khatir hi ievzonn ankhlea. Him pustokam Devnagrint toxim Romi lipimni boroil'lim astelim. Tech porim heam donui lipimni porgottleleam pustokancho ankddo-i vaddon vecho mhunnon he ievzonnecho hetu asa. Jeam-jeam ganvamni Konknni sonstho asat, tankam-i he ievzonnecho lab melltolo.
Goroz teo bariksanni Akademiche kocherent mellouncheo mhunn he babtint kaddlelea eka potrokant kolloilam.
Khoxi asleleam sonsthamni 10.09.2006 hea disa Goa Konkani Akademint '”Readers' Movement' mhunn kariavoll ghoun hattl, he chollvollik hajir zaunchem.
Hea potrokan fuddem kolloilam tea pormonnem Akademi pustokam vikta thuim bhurgeancheam pusto-kank chodd magnnim asat mhunn kollta. Tech porim Sobdkox, Sudhlekhon (grammar) nattkam-tiatrantchim, mottveo kotha, kadam-boreo heam-I pustokank lokacheo magnneo asat.
Akademi apnnemporgottlelea pustokam xivai dusream-I porgottpeanchim pustokam vikrek dovorta. Zoxe porim Rajhauns Vitaran, Apurbai, Jaag, Jait, Asmitai, Bimb, Padmaja Prakashan adi, ani Sahitya Akademi, 'National Book Trust,' hamnnim porogttlelim pustokam thuim vikrek melltat. ASahitya Akademichim ina puroskar mell'lelim pustokam Konknnint kel'llem bharotache ghotnnechem (Constitution of India), he porim veg-vegllea vixoaincher boroil'lim sumar 300 vhoir veg-veglleam vixoiancher bporogottlelim pustokam aple k aple kodden melltat mhunn tea potrokan kolloilam.

Tinui lipimni boroil'leam pustokank inam
Jim pustokam 2005 vorsantlea Janerachi 1li ti Dezembrachi 31vi porian porgottleat, tankam inam' ditele mhunn halinch Konknni Bhaxa Mandalantlea odhikareamni kolloilam. Him pustokam Goeant Devnagri, Romi, toxim Kannada lipimni boroil'lim asunk zatat.
Jeam pustokank poilim Sahitya Akademichim vo oslech dusre sonsthechim inamam favleant, toxinch dusream bhasantlim utrail'lim, ani boroupam ekthaim korun toiar kel'lim hea inama khatir manea korchenant. Boroupi anim porgottpeamni ap-apleam pusto-kancheo tin-tin proteo, Moddgonvchea KBM hach-ea Sorv-Chittnnisak Konkani Bhavan, Vidya-nagar hanga, Setembrache 5 tarkhe adim pattounk zai.

Divaddechim Bonderam
Halimchea vorsamni Karnaval ani Shigmea fattlean Divaddechea sobit zunvear zavpi Bonderam festak ak'kea Goemcho lok fulta. Hea vorsa poramporik 'Bonderam' fest Agostache 19ver vhodda gonngonnant soboitelet. Gonexachi Chovoth Agostache 27ver ailea dekhun Bonderam hea vorsa vegim aileant. Piedade Youth Association hi vorsavollicho ani ekdom umedichi, kormonukechi kariavoll ghoddoun haddta, ani ti pollounk soglleam suvatancher thaun bhorpur lok lotton ieta. Tea disa, kombeachea sadaruch Alvorad vazonk lagta, sokallchea 5 horancher. Sanj zata mhunnosor lokachem ek vhoddlem lhar Divaddechea zunvear konsollta. Soglich gorddi zata. Ani 3.30 horanchea sumarak Bonderam vivid bavtte gheun pursanv vazoit-gazoit bhair sorta.

Hema Sardesaik Tejesvini Puroskar
Goenkar huxar gavpeam modhem Ontor'raxttrik mollar famad Hema Sardesai baiek Akhil Bharatia Mahila Pori-xodiche votint “Tejesviri Puroskar” favo zala. “Mhaka aiz jem kitem ies mell'lam, tem soglem Devan dilam,” apleak favo zal'lo puroskar svikar kortoch Heman mhunnllem. Avoi-bapui, ghova-chem fattboll ani Goenchea lokancho mog, haka lagun apunn itlem mukhar pavlem mhunnon tannem udgar kaddle. “Bailo dadleam borobor eksar-kheponn sodtat, bailek respet sotat. Toxench bailamni-i dadlea votin korunk zai,” Hema mhunntta.

Gonex Utsova somoiar matolli dekhaveanchi spordha
Goem serkaracho Kola ani Sonskruti (Art & Culture) Khateacho Montri, Xri Digambar Kamat hannim kollit kelam ki, hea vorsantlea gonnex utsovachea somoiar Matolli dekhaveanchi spordha asteli. Goeant Hindu zaum Kristi somaza modhem ap-apleam porbam somoiar zaiteo poramporik chali asat. Teo atam morot vetat tem monant dhorun hi ek ivzonn mukhar haddlea mhunon teach montrean kolloilam. Matolli dekhave mhunnllear Hindu loka modhem Gonnexa vixim zaiteo gozali asat, tancher attapun te dekhave zaunk zai. He dekhave ek-ekachea ghorant Gonnex punzaitat tannim nhoi, te sarvajanik Gonex Utsov monoitat tea mattvant bosounk zai. Hi spordha Akhil Goa pattlicher (level) zateli. Khuinchea talukentlo zomo poilo vo dusro ieta tea zomeak tea vhoilea khatea koddsun inamam melltlim.

Siolent Fulam, Follamcho Bhar
Siolim Fulam and follamchem Fest he ganvchi ek porompora zaun gelea ani ti porompora Agostache 19ver 15vea vorsant bhitor sorta. Hea vorsa sogllem dhan-mon tel-divpi zhaddancher (Zatropha)), follamcher ani bio-diesel utpadonacher asa. Vorsavolliche sonvoie pormonnem fulanchem, zhaddanchem ani sombhondit vostumchem sobit prodorxonn astelem. Toxench vostu vikpachim stall-am astelim. Tin dis torek-torecheo kariavolli zatat ani hea vorsa Pilarcho Fr Inacio Almeida, sfx, bio-diesel utpadonam vixim ek kherit prodorxonn kortolo. Hem fulam ani follanchem fest Siolechea SFX Higher Secondary xallent zata, ani ganv-ganvcho lok thoim vorsachea-vorsa mud'dom ieta.

Jivitachea Faideachi Ievzonn
Fuller Life Programs
Sot'tavis vorsam zalim Academy of Self Actualization Fuller Life kariakrom Goeambhor korit asa. Punn halimchea don vorsamni tannim xikoupacheo ievzonneo matxeo bodol'leat. Tankam dislam ki soglle vatten huxar xikoupich xikpeancher favo to probhav ghalun jivitachim mul'leam xikounk xeoktat.
Aiz poriant 300 vhoir kolej ani xallecheam xikxokank tannim aplea kariokrom' keleat and 1000 xikoupachem poriant paupak tanchi mok asa heach vorsa bhitor, ani dha vorsam modhem 1 milion vidhearteank paupak. Bharatantle lokvostentle 20 tok'ke tornatte 15 te 15 vorsamche piraieche asat. Atmghatache vadto ankddo ani progotixil somajik-orthik veovostehco probhav vaddleleank zoddpi ani moddpi vibhagamni vantt'tat. Hakach lagon Academy xikoupeam udexim hea tornea ghottaxim paupachi tozvit korta.
Fuller Life kariavoll vivid torecheo sfurti dita zache vhorvim ek munxean sukhi ani folladik jivit join aplea peleacho ani somazacho faideacho zaumieta. Sothak apleach bhitorlean fuddem sorpachi sfurti munxeak ekdom gorjechi. Tache udexim ami sothachoch svabhiman vadddoinant punn amchea jivitachea boroinnar Devaxim vhodik lagim pautaum.
Goencho Rajpal, Xri S C Jamir, hannem halimch Fuller Life Fellowship for Goa sonsthechem udgatton kelem ani tachea vaurachi toknnai keli. Xikxonn Montri Xri Luizinho Faleiron tanchea kariachi tust keli ani xikovpeank ek novi divn unch dorjeachi korunk vavurta mhunnon sanglem. Fr Allan Noronha, Manager of Pilar Educational Institutions, ani Dr Hirendra Kumar, Allergy specialist, somajik vavurpi ani Rotarian, hannem Fuller Life Workouts 1 DVD ani "21 day Miracle Meditations" ACDichem udgatton kelem. Xmt Agnelia Costa Fernandesan soglleam xallam ani xikxokanche votin ek vako vachlo.
Fr Agnel College of Arts & Commerce ani Academy of Self Actualization ekttaim ek don disancho National Seminar cum Workshop on Fuller Life aojit kelem, zaka xikoupi sonsthamni aple protinidhi pattoilelet. Tanchea bhair sabar nagrikamnim tantunt vantto ghetlolo. Hea somoiar famad kardiolojist, somajik vavurpi, boroupi ani songitkar Dr Francisco Colaco hachem mukhi uloup zalem. Dr Colaco-n mhunttlem, "Monticher tann ani kallzachim duensam sogllea sonvsarakuch nhoi pun Bharatant and Goeam legun mornank mukhell karannam asat. Mon xant dourunk ani chintan korun Fuller Life kariavolli tacher ekdom bore upai dita.”
Mukhel soiro, Up-Muk-hel Montri, Dr Wilfred de Souza, hannem mhunttlem, "Voizuki xetrant zalelean mhaka hea kariavollint faidexir iotn asat.”
Fuller Life kariavollim vhoir vhodik mahiti internettacher mellta www.fullerlife.in vo Leo D'Mello, Director of the Academy of Self Actualization hache koddlean leo@fullerlife.in vo Roque Fernandes fernandes.roque@gmail.com